မိန်းမတွေအတွက် ရွေးချယ်မှုဆိုတာမရှိ ဆိုတဲ့သင်ရိုးရှိတဲ့ ယီမင်က ရွာလေးတရွာဖြစ်တဲ့ ခါတ်ဒ်ဂျီ မှာ သမီး ကို မွေးပါတယ်။ သမီးအမေ ရှိုရာဟာ အသက် ၁၆နှစ် အရွယ်လောက်မှာ သမီးအဖေ အလီ မိုဟာမက် အာလ် အဒဲလ် ကို ခုခံ ငြင်းဆိုခြင်း တစုံတရာမရှိဘဲနဲ့ လက်ထပ်ခဲ့ပါတယ်။ လေးနှစ်လောက် ကြာပြီးတဲ့နောက်မှာတော့ သူနောက်ထပ်မိန်းမ ယူသင့်ပြီလို့ သမီးအဖေက ဆုံးဖြတ်တော့လဲ အမေက ရိုကျိုးစွာ လက်ခံခဲ့ပါတယ်။
အဲဒီလိုပဲ သမီးလည်း သမီးရဲ့ မင်္ဂလာဆောင်ကိစ္စကို နောက်ဆက်တွဲအခြေအနေတွေဘာမှ မသိဘဲနဲ့ အမေ့လိုပဲ ပထမတော့ လက်ခံခဲ့ပါတယ်။ သမီးတို့ အရွယ်ကလေးငယ်တွေဟာ တကယ်တန်းတော့ ကိုယ့်ကိုယ်ကိုယ် မေးခွန်းတွေသိပ်အများကြီး မမေးတတ်ကြတာကလည်း သဘာဝပဲမဟုတ်လားလေ။
အမေဟာ သမီးကိုလည်း သူ့ကလေး ၁၆ယောက်လုံးကို မွေးခဲ့သလို အိမ်မှာပဲ မွေးပါတယ်။ သမီးဟာ အမေအိမ်အလုပ်တွေပဲ သိမ်းကြုံးလုပ်နေတာကို စောင့်ကြည့်ရင်း၊ သမီး အစ်မနှစ်ယောက် စမ်းချောင်းလေးကနေ ရေသွားသယ်ရင် အတူတူလိုက်သွားနိုင်တဲ့ အရွယ်ရောက်ဖို့ကို စိတ်မရှည်စွာနဲ့
စောင့်ဆိုင်းရင်းနဲ့ပဲ ကြီးပြင်းလာခဲ့ရပါတယ်။
သမီး နှစ်နှစ် သုံးနှစ် အရွယ်လောက်မှာ အဖေနဲ့ ရွာသားတွေ ပြဿနာတက်တာ ကြုံခဲ့ရတယ်။ သမီးသိသမျှကတော့ ဒုတိယအကြီးဆုံး အမ မိုနာ ရုတ်တရက် လက်ထပ်လိုက်တာပါပဲ။ သူ့အသက် ရှိလှ လွန်ရော ကျွံရော ၁၃နှစ်ပေါ့။ သမီးတို့လည်း ရွာကနေ ချက်ချင်းထွက်လာခဲ့ရတော့တယ်။
သမီးတို့ ဆာနာ မြို့ကို ရောက်လာတာ ရုတ်ချည်းဆိုသလိုပါပဲ။ မြို့တော်ဟာ ဖုန်တွေနဲ့ မှုန်မှိုင်းနေပြီးတော့ ဆူညံလွန်းလှပါတယ်။ အယ်လ်ကွာ အရပ်က လူနေထူထပ် ပြွတ်သိပ်လှတဲ့ ဆင်ခြေဖုန်းရပ်ကွက်တခုထဲကို ပြောင်းရွှေ့နေထိုင်ရပါတယ်။
အဖေဟာ နောက်ဆုံးမှာတော့ ကျန်းမာရေး အဖွဲ့အတွက် တံမျက်လှည်းတဲ့အလုပ်ကို ရရှိခဲ့ပါတော့တယ်။သမီးတို့ ရွာကထွက်လာပြီး နှစ်လကြာတဲ့နောက်မှာတော့ သမီးအစ်မ မိုနာ သူ့ယောက်ကျားနဲ့ အတူ သမီးတို့ဆီ ရောက်လာပါတော့တယ်။
သမီးတို့ အခုနေတဲ့ အရပ်ထဲက ကျောင်းကလေးမှာ ပထမတန်းကို ကောင်းမွန်စွာနဲ့တက်ရောက်နိုင်ခဲ့ပြီး အခုဆိုရင် သမီးရဲ့ ဒုတိယတန်း စာသင်နှစ်အစတောင် ရောက်နေပါပြီ။
၂၀၀၈၊ ဖေဖော်ဝါရီရဲ့ တခုသော ညနေခင်းမှာ အဖေက သတင်းကောင်းတခုရှိတယ်လို့ သမီးကိုပြောရင်း
"နူဂျွတ်.. ညည်းလက်ထပ်ရတော့မယ်..." လို့ ဆိုင်းမဆင့် ဗုံမဆင့် ပြောလိုက်ပါတယ်။ ကြားကြားချင်း သမီးတော်တော်လေး ပေါ့ပါးလွတ်လပ်သွားတယ်။ ဘာဖြစ်လို့ဆို အိမ်မှာနေရတဲ့ဘဝက တဖြည်းဖြည်း ခက်ခဲ ကြပ်တည်းလာနေခဲ့တယ်လေ။
အဖေဟာ တံမျက်လှည်းတဲ့အလုပ် ပြုတ်သွားပြီးတဲ့ နောက်ပိုင်းမှာ အချိန်ပြည့်အလုပ်ထပ်မရတော့ဘူး။ အဲဒီအတွက် သမီးတို့ဟာ အိမ်လခပေးဖို့ရာ အမြဲ နောက်ကျလာတယ်။ သမီးအစ်ကိုတွေလည်း
လမ်းဘေးဈေးသည်တွေနဲ့ အဆက်အသွယ်ရပြီး မီးပွိုင့်မှာ မီးနီနေတုန်း ကားရှေ့မှန်တွေကို ပုတ်ကာ ငွေအကြွေလေးရဖို့အတွက် တစ်ရှူးထုပ်တွေလိုက်ရောင်းကြတယ်။
ပြီးတော့ သမီး ညီမ ဟိုင်ဖှာ နဲ့ သမီး အလှည့်ပေါ့။ သမီးအဲ့ဒီအလုပ်ကို မလုပ်ချင်ဘူး။
အခုတလော အဖေကလည်း မကြာမကြာဆိုသလို အိမ်နီးချင်းတွေနဲ့ ခက်ထ် ( Khat - အရွက်တမျိုး -ဆေးရွက်ကြီး ဝါးသကဲ့သို့) ဝါးရင်းနဲ့ပဲ သူ့နေ့လည်ခင်းတွေကို ဖြုန်းတီးပစ်နေတော့တယ်။
အဖေကတော့ ပြောတာပေါ့လေ။ အဲ့ဒီလို ဝါးနေတာဟာ သူ့ဒုက္ခတွေကို မေ့နိုင်စေတယ်တဲ့။
ဒီလိုနဲ့ပဲ ခက်ထ် ဝါးနေကြ နေ့လည်တခုမှာ အဖေ့ကို အသက် ၃၀ အရွယ် ယောက်ကျားတယောက်က ချည်းကပ်လာခဲ့တယ်။
သူက "ကျနော်က ကျနော်တို့ မိသားစု စုစုဝေးဝေး သိုက်သိုက်မြိုက်မြိုက်ဖြစ်စေချင်ပါတယ်" လို့ အဖေ့ကို ပြောသတဲ့။ သူ့နာမည်က ဖက်ဇ် အလီ သာမာ။ ကုန်စည်ပို့တဲ့အလုပ်ကို လုပ်တဲ့သူ။ သူဟာ သမီးတို့လိုပဲ ခါတ်ဒ်ဂျီက လာတာပါ။ ပြီးတော့ သူက သူလက်ထပ်ဖို့အတွက် ဇနီး အရှာထွက်နေတဲ့သူပေါ့။
အဖေက သူ့ကမ်းလှမ်းချက်ကို လက်ခံခဲ့ပါတယ်။ သမီး အစ်မနှစ်ယောက်ပြီးတဲ့နောက်မှာတော့ အစီအစဉ်အရ လက်ထပ်ဖို့ရာ သမီးပဲ ရှိပါတယ်။
အဲဒီညနေမှာပဲ အဖေနဲ့ အမေ စကားပြောနေတာကို သမီးကြားလိုက်တယ်။ " နူဂျွတ် က အိမ်ထောင်ပြုဖို့ရာ မစောလွန်းသေးဘူးလား" လို့ အမေက ပြောမေးလေး မေးနေတာကိုပါ။
"ဒါက သူ့ကို ကာကွယ်ဖို့ရာ အမှန်ကန်ဆုံးလမ်းပဲလေ။ ဆိုးယုတ်တဲ့ ကောဟာလတွေထွက်လာနိုင်တဲ့ သူစိမ်းတယောက်ယောက်ရဲ့ ကိုယ်ထိလက်ရောက်ပြုခံရမဲ့ ရန်ကနေလည်း လွတ်ပြီသားဖြစ်သွားတာပေ့ါ။ ဒီလူက ရိုးသားပုံလည်းပေါက်တယ်။ ပြီးတော့ သူက ကတိပေးပြီးသား။ နူဂျွတ် အရွယ်မရောက်မချင်း လက်ဖျားနဲ့တောင် မထိပါဘူးလို့။ ဒါ့အပြင် ငါတို့မှာလည်း တမိသားစုလုံးကို ကျွေးထားဖို့ ငွေအလုံအလောက်မရှိဘူးလေကွာ..."
ဝမ်းနည်းနေတာကို မြိုသိပ်ရင်း အမေလည်း ဘာတခွန်းမှ ထပ်မပြောတော့ပါဘူး။ သမီးတို့ တိုင်းပြည်မှာ ယောက်ကျားသားကသာ အမိန့်တွေပေးရိုးထုံးစံမဟုတ်လားလေ။
(ဆက်ရန်)