စိတ်ရေပြင်ပေါ်က အတိတ်ခြေရာများ... ၂

ဒီလမ်းသွယ်လေးက တိုပါသည်။ ဆက်လျောက်သွားတော့ ဘယ်ဘက်မှာ ပျဉ်ထောင်အိမ် အမဲလေးတလုံးနှင့် ညာဖက်မှာ တိုက်တန်းလျားလေးတခု။ စာသင်ဆောင်ကတော့ ပျဉ်ထောင်အိမ်တော့မဟုတ်လောက်ဟု ကိုယ့်ဘာသာကိုယ် ဆုံးဖြတ်ကာ တိုက်တန်းလျားလေးဖက် ထပ် ချိုးလိုက်သည်။ မြေနီလမ်းကနေ လူတယောက်လျောက်စာ ကျောက်စရစ်လမ်းလေးဆီသို့ နိမ့်ဆင်းသွားရာအဆုံးတွင် ကိုယ်တို့တက်ရမည့် နှစ်ခန်းတွဲ စာသင်ခန်းရှိပါသည်။ တခန်းက ကျောင်းရုံးခန်းလုပ်ထားတော့ စာသင်ခန်းက တခန်းထဲပေါ့။ 

ကွန်ပြူတာတွေကို ဘယ်မှာထားမှန်းတော့ မသိသေးပေ။

*****
ကောလိပ်ကစာသင်ခန်း ဆိုပေမယ့်လည်း အထက်တန်းကျောင်းအပြင်အဆင်တွေနဲ့ အခန်းတခန်းပါပဲလေ။ အခန်းထဲမှာတော့ ကျောင်းသား၊ ကျောင်းသူတချို့ရောက်နေကြပြီ။ လူ လေး၊ ငါးယောက် ထိုင်လို့ရတဲ့ ခုံတန်းရှည်တွေကို အတန်းသုံးတန်းခွဲချထားသည်။ ကိုယ်နဲ့ ကိုယ့်သူငယ်ချင်းလည်း ယောက်ျားလေး၊ မိန်းကလေးခွဲထားပုံမပေါ်လို့ တွေ့ရာ အနီးဆုံးနေရာမှာပဲ အတူတူဝင်ထိုင်လိုက်ကြသည်။ 


ထူးမခြားနား စာသင်ချိန်တွေဖြတ်သန်းပြီးတော့ ထမင်းစားချိန်ကျလာလေပြီ။ ဒါနဲ့ ကိုယ်တို့နှစ်ယောက်လဲ အတန်းထဲကထွက်ရင်း မုန့်ဆိုင်စနည်းနာလိုက်တော့ စောနကတွေ့ခဲ့ရာပျဉ်ထောင်အိမ်အမည်းလေးက ကိုယ့်တို့ရဲ့ တခုတည်းသော ကန်တီးန် လေးပါတဲ့။ ကိုယ်တို့လဲ စာသင်ရင်း မိတ်ဖွဲ့ရင်းနဲ့ နောက်ထပ် ထပ်ရလာတဲ့ သူငယ်ချင်း လေးယောက်နဲ့အတူ ခြောက်ယောက်သား မုန့်သွားစားကြသည်။ 


ကိုယ့်အတွက်တော့ အကိုကြီးတယောက်နဲ့ ညီမလေး သုံးယောက်ရသလိုပါပဲ။

*****

နောက်တနေ့ကြတော့ ကိုယ်လူလည်ဖြစ်သွားပြီ။ ဝတ်နေကြ ဂျင်းဘောင်းဘီပဲ ဝတ်ခဲ့သည်။ 

အိုးးးးးးးးး လျောက်လို့ကောင်းလိုက်တဲ့ဖြစ်ခြင်း။ 

မနေ့ကထက် အပြတ်အသတ်လှလွန်းတဲ့လမ်းကလေးကို လျောက်လို့ကိုမဝ။ ကိုယ့်သူငယ်ချင်း စပ်စပ်စုစုနဲ့ မနေ့ကရောက်ခဲ့ကြောင်းပြောပြလို့ ဂျပန်ပိတောက်ပင်တွေ ပတ်လည်ဝိုင်းနေတဲ့ ရေကန်လေးကိုလဲ ဒီနေ့မှ သတိထားမိတော့တယ်။ 

ဒီနေ့တော့ နေရာသတ်သတ်မှတ်မှတ်ထိုင်ဖို့အတွက် စိတ်ကြိုက်ရွေးရင်း နောက်ဆုံးတန်းမှာပဲ နေရာယူလိုက်သည်။ ပြတင်းပေါက်ကြိုက်တဲ့ကိုယ် ပြတင်းပေါက်နဲ့အနီးဆုံး ခုံတန်းမှာပဲ ထိုင်လိုက်သည်။ ဟိုတယောက်ကတော့ မနေ့က သူ့အသစ်စက်စက် သူငယ်ချင်းနဲ့သွားထိုင်သည်။ ကိစ္စမရှိပါလေ။ သူ့မှာကမှ တယောက်ထဲ။ ကိုယ့်မှာ သုံးယောက်တောင်။


ဒီလိုနဲ့ သင်တန်းချိန်မစသေးတော့ ကိုယ်လျောက်ငေးနေရင်း မမြင်ချင်ဆုံးလူတယောက်မျက်နှာက ကိုယ့်အမြင်အာရုံထဲဝင်လာသည်။ ဒင်း... ဘာလာလုပ်ပါလိမ့်။


မဝင်လာပါစေနဲ့... မဝင်လာပါစေနဲ့...


မပြောင်းလဲစွာ ပျက်တိပျက်ချော်အမြဲဖြစ်နေတဲ့ ကျောက်ကျောရေပက်မျက်နှာဟာ ကြခတ်ဝါးနှစ်ချောင်းရဲ့သယ်ဆောင်ရာအတိုင်း အခန်းထဲကို ထောင့်မကျိုးစွာနဲ့ဝင်လာပါတယ်။ ပိုဆိုးတာက ကိုယ့် ကျောင်းသွားဖက် သူငယ်ချင်းကိုလည်းတွေ့ရော

"ဟားးးးးးး ဟေ့ရောင်... ယောက်ဖ" 

ဆိုတဲ့ အောက်ကလိအာအသံနဲ့အတူ လက်ခုပ်လက်ဝါးချင်းရိုက်ကြ၊ မိတ်ဆက်ကြနဲ့ ဒင်းတို့တွေ... မမြင်ချင်အဆုံး ရှုပ်ရှက်ကို ခတ်နေကြတော့တာပါပဲ။

(ဆက်ရန်)

ရီးဒါးစ် ဒိုင်ဂျက်စ်နှင့် စာတစောင်

ကိုယ် အင်္ဂလိပ်လိုရေးရမှာ တော်တော်ဝန်လေးတဲ့သူပါ။ ဒါပေမယ့် ဘာကြောင့်မှန်းမသိ ကိုယ်ဆောင်းပါးတစောင်ဖတ်ပြီး တော်တော်လေးကို စိတ်အနှောက်အယှက်ဖြစ်လို့ ဝန်အလေးဆုံးအလုပ် လုပ်ဖို့ ဆုံးဖြတ်ချက်ချခဲ့တယ်။ ဒီမှာ ကိုယ်ရေးခဲ့ဖူးတယ်။ ရီးဒါးစ် ဒိုင်ဂျက်စ် ဆောင်းပါးတခုကို မကြေလည်ကြောင်းပါ။ သူ့တို့ပြန်စာကို လွန်ခဲ့တဲ့ တပတ်လောက်ကမှ ရတယ်။ ဒါတောင် အရင်စာကိုပဲ ဖော်ဝပ်ဒ် လုပ်ပီး ရီမိုင်ဒါ လို့ရေးပြီး ထပ်ပို့လိုက်တာ။ တကယ်တော့ နိုင်ငံအနှံ့ကစာတွေနဲ့ သူတို့လည်း အချိန်မီမပြန်နိုင်တာ နားလည်ပါတယ်။ 

 ကိစ္စက အယ်ဒီတာပြန်လိုက်တဲ့စာက ကိုယ်ဆိုလိုတာကို သူတမျိုး အဓိပါယ်ကောက်ပြီး ပြန်လိုက်တာပါ။ အဲ့ဒီစာကို ကိုယ်နဲ့ အီးဒီ နှစ်ခေါင်းပေါင်းပြီး ရေးထားတာ။ ကိုယ်တို့စာက ဒီလိုပါ။

Dear Editor of Reader's Digest,

I am a regular reader of RD for two years and I love most of the articles in RD.

But now, I have one thing which I am quite unhappy about. That is from the article on June 2011. I felt really sorry while I was reading "Street food: heaven on earth" by "K F Seetoh" on page 72.

In the article, the very first picture is the scene of Yangon, Myanmar street food and the food in that picture is the most famous food among Myanmar people called Mont-hin-ga (rice noodle with fish soup).

When I finished reading the article, I realized that the author mentioned almost all the famous foods in Asia and put the photos with captions in detail about the type of food and name of place or city where the food shop located. But in the first photo which is from Myanmar, the author just captioned as " A typical busy street food scene in Asia ". I wonder if  the author did not know that picture is from Myanmar? Even if the author did not, the photographer would definatly know that. Anyhow, the author has full responsibilities of what he or she writes about.

The author mentioned about the street food of Singapore, Thailand, Malaysia, Philippines, Indonesia and Taiwan but there is no single line about Myanmar food in the article even though he used the photo of Myanmar street food. And captioned the photo in randomly as I mentioned above.

I have nothing to comment about anything concern with that article if the author did not use the photo but since he or she used the photo, he or she should captioned in right way and explain about the Myanmar food. 

I expected RD to treat our country the same as other South East Asian countries and looking forward to read more articles under the umbrella of Equity and Justice.

Thank you very much for your time and wish RD could contribute the right information to the readers more and more.

Best wishes,
...


သူကဒီလိုစာပြန်လာပါတယ်။
 
Dear...,

Thanks for your email. I apologise for not responding sooner. Yes, we are aware that the opening photograph is from Myanmar. We chose to lead with the image because I felt it was a very strong picture which depicts a typical street food scene you can find in many cities across Asia and thus was captioned as such. Myanmar street food wasn't mentioned because page space was limited. I'd like to point out that though we included Taiwan, we did not include Japanese or Korean foods. We weren't able to include Vietnam or Cambodia either due to space constraints.

We do hope to publish a couple of Myanmar stories next year, but I hope to have your understanding on reaching out to our readers in our largest markets. I do hope you continue to enjoy reading the magazine and I do appreciate you writing in with your thoughts and comments.

Regards,

Dora Cheok
Editor-in-Chief
Reader's Digest Asia


အဲ့ဒါကို ကိုယ်က ဒီလိုထပ်ပြန်လိုက်ပါတယ်။

Dear Dora Cheok,


Thank you for your response. I do really appreciate that you take care of your reader's complaint. 


I understand the fact you pointed out but what I meant was different from what you explained.


I totally don't mind that there is no story about Myanmar food as Singapore, Thailand, Malaysia, Philippines, Indonesia and Taiwan.


What I meant was: since you used the picture of Myanmar street food, why don't you put the name of the country in the caption? All I want is a caption on the photo. Not a story. I am not complaining for the equal right. There is no equal right in this whole world; I understand, and accept it. But you captioned all the food pictures from different Asian countries and the names of the country. I know there's no Japanese or Korean foods in that month article. And one more thing is there's no pictures of Japanese or Korean foods, too.


This is the very first time of me writing a compliant so if I used any inappropriate words, I do sorry for that.


Wish RD for success as always anyway.


Best wishes and Happy Sweet December,

...

ကိုယ်ထင်တာတော့ ပထမဆုံး ကိုယ်တို့ပို့လိုက်တဲ့စာမှာ (ကိုယ် စာလုံးအပြာနဲ့ရေးထားတဲ့) ပါသွားတဲ့ စာကြောင်းကြောင့် သူလည်း ဒီလိုပြန်လိုက်တာနဲ့တူပါတယ်။ ကိုယ်ပေးချင်တဲ့ အဓိပါယ်ရောက်အောင်မပြောနိုင်ခဲ့တဲ့အတွက် ကိုယ့်ကိုယ်ကိုယ် တော်တော် အားမရဖြစ်သွားတယ်။ ဒုတိယတကြိမ်ပြန်လိုက်တဲ့စာမှာ နည်းနည်းလေးရင့်သီးနေသလိုဖြစ်သွားတယ်။ အဲဒီအချိန်တုန်းက ကိုယ်တို့နှစ်ယောက်လုံး ကိုယ့်ကိစ္စတွေနဲ့ကိုယ် ဒေါသတွေထွက်နေတဲ့ အချိန်ဖြစ်နေတယ်။ နောက်ဆုံးတောင်းပန်ထားတဲ့ စာတကြောင်းကတောင် ခုနေခါပြန်ဖတ်ကြည့်တာ ဒေါင့်မကျိူးသလိုပဲ။ ဒါပေမယ့်လည်း လုပ်ချင်တာလုပ်လိုက်နိုင်တဲ့အတွက် နောင်ပြန်စဉ်းစားရင် မလုပ်လိုက်မိလေခြင်းဆိုပြီး နောင်တမရ ရတော့ဘူးပေါ့။


ကိုယ့်ကို စာတွေကူရေး၊ ကူဖတ်ပေးခဲ့တဲ့ အီးဒီကိုလည်း တကယ်ကိုကျေးဇူးတင်ပါတယ်။

လက်ဆောင်

ဒီဇင်ဘာ ( သို့ ) DECEMBER !!!

ဒီက ယူပါတယ်။

ဒီက ယူပါတယ်။

at Vatican Embassy, Bangkok.

at Vatican Embassy, Bangkok. 

ဒီပုံထဲက အရုပ်လေးတွေ အကုန်လုံးက Hand Made တွေလို့ ပြောပါတယ်။

 ဟိုးအရင် ငယ်ငယ်တုန်းကတော့ ခရစ်စမတ်ကို လက်ဆောင်ရဖို့အတွက်ပဲ မြန်မြန်ရောက်ပါစေတော့ ဆိုပြီး မျှော်လင့်ခဲ့တယ်။ ခရစ်စမတ်မရောက်ခင် တပတ်အလိုဆို ဒယ်ဒီက ဦးဆောင်ပြီး တအိမ်လုံး ဈေးဝယ်ထွက်ကြတယ်။ ဘုရားကျောင်းသွားရင်ဝတ်ဖို့ပေါ့။ မန်မီကတော့သုံးရက်လောက်အလိုဆို ၂၅ရက်နေ့မှာ ကျွေးမွေးဖို့ ဈေးသွားပြီ။

နည်းနည်းကြီးလာတော့ ကယ်ရိုလ်ဆင်းဂင်း ဆိုချင်လို့ မြန်မြန်ရောက်ပါတော့ ဒီဇင်ဘာရယ်လို့ တ ရပြန်တယ်။ သီချင်းဆိုတဲ့အိမ်တိုင်းက ကျွေးတာစားနိုင်ဖို၊့ ဘိုက်ဆန့်အောင် လျော့စားရတာ ပညာပါမှန်း အဲ့တော့မှသိတယ်။ ပေါ့ပါးတဲ့ ဂစ်တာဟာ ညအချိန်အိုလာတာနဲ့အမျှ အလေးချိန်တော်တော်စီးပါလားလို့ သိလာခဲ့ပြန်တယ်။ သီချင်းသံဟာ လူ့စိတ်ကို နူးညံ့စေပေမယ့်၊ နူးညံ့မှုဟာ ငွေနဲ့ဝယ်လို့ရတယ်လို့ထင်နေတဲ့ သူတွေရဲ့ "ဟေ့... အဲ့ဒီအိမ်ပြီးရင် ဒီမှာ လာဆိုပေးစမ်းပါ၊ ဘယ်လောက်ပေးရမလဲ" ဆိုတဲ့မေးသံကို "ပိုက်ဆံပေးစရာမလိုပါဘူး။ ပေးကြတယ်ဆိုတာလည်း အလှူငွေပေးတာပါ" ဆိုပြီး ကောင်းကောင်းမွန်မွန်ပြန်ဖြေတတ်ဖို့ လိုကြောင်း သင်ခန်းစာလည်း ရခဲ့ပြန်တယ်။ မှန်ချိုရယ်၊ ဂျင်းပြုတ်ရည်ရယ် ဟာ လည်ချောင်းအတွက် ဆေးစွမ်းကောင်းတွေပဲ ဆိုလို့ သောက်ရပြန်တယ်။

အခုအချိန်မှာရော... ... ...

ခရစ်စမတ်ဆိုတာ Christ နဲ့ Mass ကို ပေါင်းစပ်စေတဲ့ အဖြစ်အပျက်ဆိုတာရယ်၊ အချစ်ငတ်တဲ့ ခရစ်စမတ်မဖြစ်ပါစေနဲ့ဆိုတဲ့ တခုသောခရစ်စမတ်မစ္ဆားတရားတော်မြတ်တခုမှာ ဘုးန်တော်ကြီးတပါးရဲ့ တရားစကားနာပြီးတဲ့ အချိန်ကစလို့ အပျော်ဆိုတာထက် စိတ်နှလုံးသားထဲမှာ တကယ်ကို Christ နဲ့ ကိုယ်နဲ့ပေါင်းစပ်နိုင်ပြီလား၊ ကိုယ်နဲ့အနီးစပ်ဆုံးသူကို ကိုယ်ကိုယ်တိုင်ကဲ့သို့ချစ်လော့ဆိုတဲ့ ပညတ်တော်ကို ဘယ်အတိုင်းအတာထိလိုက်နာနိုင်ပြီလဲ၊ ကိုယ်ဟာ အချစ်ငတ်နေတဲ့လူလား၊ အချစ်ငတ်စေတဲ့လူလား ဆိုတဲ့မေးခွန်းတွေကိုဖြေဖို့ပဲ စိတ်ထဲမှာ ရှိနေတော့တယ်။ ချစ်ခြင်းမေတ္တာဆိုတာ သာမန်အားဖြင့် ၁၅၀၀ နဲ့ ၅၂၈ ဆိုတဲ့ သတ်မှတ်ချက်နှစ်ခုနဲ့ပဲ ဆုံးဖြတ်ဖြစ်ကြတာများပါတယ်။ ခေါင်းရွက်သည်ဆီက ဈေးဝယ်ပြီးရင် ချထားတဲ့သူ့ဈေးဗန်းကို သူမနိုင်လောက်ဘူးထင်လို့ ကူမပေးလိုက်တဲ့အပြုအမူက ချစ်ခြင်းမေတ္တာရဲ့ အသေးဆုံး ပြယုဂ် တခုပါ။  ကြီးမားတဲ့ ဖြစ်ရပ်တွေဟာ မေ့လောက်မှတခါ ဖြစ်ပျက်တတ်ပေမယ့် ကိုယ့်ပတ်ဝန်းကျင်မှာ အသေးအဖွဲအရာလေးတွေဟာ အမြဲဖြစ်ပျက်နေတာပါ။ အဲ့ဒီအရာတွေကို ကိုယ်မျက်စိရှမ်းခဲ့တာ ဘယ်နှစ်ကြိမ်တောင်ရှိနေပါလိမ့်။ ချစ်ခြင်းမေတ္တာမပါတဲ့ မျက်စိနဲ့ ကိုယ်ဘယ်နှစ်ကြိမ်လောက် ကြည့်ခဲ့မိပါလိမ့်။

ဂွကျတဲ့ကိုယ်ဟာ တကယ့် ခရစ်တော်ဖွားမြင်ချိန်ဟာ ဆောင်းတွင်းမဟုတ်ဘူးဆိုတာ သိရတော့ ဒီဇင်ဘာ ၂၅ ကို စိတ်ထဲသိပ်မထားမိတော့ဘူး။ ဘယ်နေ့ဆိုတာလဲ တိတိကျကျမပြောနိုင်ကြဘူး။ အဲဒီတော့ မွေးနေ့ဟာ မွေးလို့သာဖြစ်လာရတာဆိုတဲ့အတွးနဲ့ပဲ ဒီဇင်ဘာ ၂၅ရက်နေ့တွေကို ဖြတ်ကျော်လာခဲ့တယ်။  ဒါပေမယ့် ခရစ်တော်မွေးနေ့မဟုတ်ဆိုတဲ့အသိကလွဲရင် ဒီဇင်ဘာရယ် နှင်းရယ် အလှဆင်ထားတဲ့ထင်းရှူးပင်ရယ် ဟာ တခုနဲ့ တခု လိုက်ဖက်ညီ လှတဲ့၊ တခုလျော့လို့မဖြစ်တဲ့ လှပပြည့်စုံပြီးသား ပန်းချီကားတချပ်ပါပဲ။

ဒီသီချင်းလေးက ခရစ်စမတ်သီချင်းတွေထဲမှာ ကိုယ်အကြိုက်ဆုံးပါပဲ။

နေ့ရက်တိုင်းဟာ ဒီဇင်ဘာ ၂၅ရက်နေ့ကဲ့သို့ဖြစ်ပါစေလို့ဆုတောင်းပါတယ်။

ကယ်ရိုဆင်းဂင်းဆိုရင် နောက်ဆုံးအပိတ်သီချင်းက ကောင်းကြီးမင်္ဂလာဆုတောင်းသီချင်းပါ။ စာဖတ်သူများအားလုံးအပေါ် သီချင်းလေးထဲက အတိုင်း မင်္ဂလာများ ပြည့်စုံစွာ သက်ရောက်ပါစေ။

သီချင်းနာမည်က ♫.♫ ကောင်းချီးမိုး♫.♫ တဲ့

၁.¯˜"*°•♥•°*"˜¯` ချစ်ဆွေတို့ရယ် နှုတ်ဆက်ခဲ့ပါတယ်။ ¯˜"*°•♥•°*"˜¯`သီချင်းသည် တို့တတွေ တောင်းဆုပြုပါတယ်။ ¯˜"*°•♥•°*"˜¯`ဘုရားရှင်ရဲ့ကောင်းချီးမိုးတွေ၊ ကျန်းမာခြင်းဆုကျေးဇူးတွေ ¯˜"*°•♥•°*"˜¯`သင်တို့ပေါ်အမြဲသက်ရောက်ကြပါစေ။¯˜"*°•♥•°*"˜¯`

၂. ¯˜"*°•♥•°*"˜¯`ချစ်ဆွေတို့ရယ် နှုတ်ဆက်ခဲ့ပါတယ်။ ¯˜"*°•♥•°*"˜¯`သီချင်းသည် တို့တတွေ ကျေးဇူးလည်းတင်တယ်။ ¯˜"*°•♥•°*"˜¯`ဘုရားရှင်ရဲ့ထွေးပိုက်မှုနဲ့၊ ခရစ်တော်ရဲ့ငြိမ်းချမ်းမှုတွေ သင်တို့ပေါ်အမြဲသက်ရောက်ကြပါစေ။ ¯˜"*°•♥•°*"˜¯`ဘုရားရှင်အမြဲ ကောင်းချီးပေးပါစေ။¯˜"*°•♥•°*"˜¯`

  _██_                 

   (´• ̮•)                

  ( . • . )        

 ( ...'•'...)     

¯˜"*°•♥•°*"˜¯`´¯˜"*°•♥•°*"˜¯`´¯˜"*°´¯˜"*°•♥•°*"

အလင်း ပန်းချီကား

အိမ်မြှောင်ဗိုက်ကား
ပိုးကောင်စား၍
ကားရားခြေလက်၊ တွားသွားလျက်။

မြွေတကောင်သည်
အိမ်မြှောင်ကိုဖမ်း၊ အမြီးယမ်းလျက်
အငမ်းမရ မျိုလေပြီ။

နိုင်ရာဖမ်းစား၊ ညပုံကားကို
ဖန်သားမီးလုံး၊ တစ်ညဆုံးထိ
နှလုံးမသာ ရှုကြည့်ရာမှ
နီလာမိုးသောက် 
အမှောင်ပျောက်ပြီ။


မိုးအောက်မြေသား
အလင်းကားလည်း
လှုပ်ရှားပေါ်လာ၊ ဆူညံစွာတည့်
နိုင်ရာစားကြလေဦးမည် ။     ။




ကြည်အောင်

ဆရာ နာတာရှည်

နာသုံးနာနှင့်

ဆရာဘဝရောက်ခဲ့တယ်။

အနာစုံလို့

ဆရာတဂုဏ်ရခဲ့တယ်။

အနာတက်လို့ 

ဆရာသက်ရင့်ခဲ့ပြီ။

 အနာကြီးလို့

ဆရာကြီးလည်းဖြစ်ခဲ့ပြီ။

ကျောင်းမှာဆရာ၊ အိမ်မှာဈေးရောင်း

ဆီးပေါင်းကွာစိ၊ ကြံမိကြံရာ

ကွမ်းဖိုးဖာဖာ၊ ဈေးဖိုးကာကာ

လကုန်ဖို့ရာ ကြာလိုက်တာ။

သေရွာပါအကြွေးတထုပ်နှင့်

စေတနာဆရာလေးကျွန်ုပ်

ဖြေစရာ ကဗျာတေးတပုဒ်ကတော့

နှုတ်တလှည့်

တုတ်တလှည့်

မှုတ်ခဲ့၊ မန်းခဲ့သမျှ

မနွမ်းမယ့်၊ လန်းခဲ့တဲ့

ဟုတ်ကဲ့...

ကျုပ်တပည့် ပန်းကလေးများ ။    ။

စလင်းခင်မောင်ရည်

ကျွန်းကလေး သင်

ရေပတ်လည်ဝန်း

ကုန်းမြေစွန်းကို

ကျွန်း ဟုခေါ်တွင်

မျက်စိတဆုံး ၊ မိုးကုပ်ခုံးတိုင်

ရေလုံးကျယ်ပြန့် ၊ ဗွေပင်လယ်တွင်

လေးနယ်ပတ်ဝိုင်း ၊ ဝိသမလှိုင်းတို့

လေးနယ်ပတ်ဝိုင်း ၊ ဆန္နလှိုင်းတို့

လေးနယ်ပတ်ဝိုင်း ၊ ပယောဂလှိုင်းတို့

မုန်တိုင်းလှုံ့နှိုး ၊ မိုးသို့ခုန်ပျံ

လုပ်ကြံတိုက်စား ၊ မရပ်နားလည်း

ခြားနားခိုင်ခံ့ ၊ အသင်ကြံ့ခဲ့

အံ့လောက်ပါ၏ ကျွန်းကလေး..... သင် ။     ။

ညွန့်ဝေ (ကသာ)

၁၇ ၁၀ ၀၁ 

၂၇. ၁၂. ၁၁   ကဗျာတွေကိုနှစ်သက်ရင်သာ ကူးထားမိပေမယ့် ရေးသူတွေကိုတော့ဘယ်တုန်းကမှ မှတ်မှတ်ရရ မရှိတတ်ခဲ့ဘူး။ ဒါပေမယ့် ညွန့်ဝေ (ကသာ) ဆိုတဲ့ နာမည်ကို ဒီနေ့တွေ့မိတော့ ဘယ်မှာမြင်ဖူးပါလိမ့်စဉ်းစားရင်းမှ ဒီကဗျာပိုင်ရှင်မှန်းသတိရလိုက်မိတယ်။ ဒီနှစ် ခရစ်စမတ်နေ့မှာ ဘဝကူးပြောင်းသွားတဲ့ဆရာ ကောင်းရာသုဂတိ လားပါစေ။ 

အမည်မသိ

ကိုယ်တို့ တက္ကသိုလ် စတက်တဲ့နှစ်မှ ကိုယ်တို့မြို့မှာ တက္ကသိုလ် စဖွင့်တာ။ မဟုတ်ရင် မြို့ကလူတွေ ပဲခူးမှာ သွားတက်ရတယ်။ ကိုယ်က ကျောင်းနဲ့ ဘယ်လောက်တောင် ရေစက်ပါသလဲဆို ကျောင်းဆောင်တွေတောင် ဆောက်လို့မှမပြီးသေးဘူး Human Resource Development အနေနဲ့ အင်္ဂလိပ်စာသင်တန်းဖွင့်ရမယ်ဆိုတော့ အဲ့သင်တန်းကိုအားနေတာနဲ့ တက်ဖြစ်တယ်။ အဲ့ဒီသင်တန်းက ဒစ်ပလိုမာပေးမယ်ဆိုပီး အင်္ဂလိပ်စာဌာနတွေ မဖွင့်မနေရဖွင့်ရတဲ့သင်တန်းပေါ့။ 
ကျောင်းက သုံးထပ်ဆောင် သုံးဆောင်ဆောက်တယ်။ ဟိုး... မြို့ပြင် လယ်ကွင်း ထန်းတောဘေးမှာ ကျောင်းလုပ်ထားတာပေါ့။ တက္ကသိုလ်ကားတွေကြည့်ထားတာ အလကားမှမဟုတ်တာလေ။ အလယ်ဆောင်မှာ သင်ရတာဆိုတော့ အတန်းအားရင် အောက်ပြေးဆင်းလိုက် RC ထဲ သွားတာလို့အော်လိုက်... အပေါ်ပြန်တက်လိုက် မိန်းထဲရောက်ပီလုပ်လိုက်... အောက်ဆုံးထပ်ထိဆင်းလိုက် လိုက်ဘရီ ရောက်ပီလုပ်လိုက်နဲ့ သင်တန်းသား ၂၀ လောက်က လွဲပြီး တက္ကသိုလ်တခုလုံးဘယ်သူမှမရှိဘူး။ ဘယ်ရှိမလဲ ကျောင်းက ပြီးလဲမပြီးသေး၊ ဘယ်ဌာနကမှလည်း မရောက်သေးဘူးလေ။ အင်္ဂလိပ်စာဌာနကတောင် ဒီသင်တန်းသင်မယ့် ဆရာတွေပဲရောက်သေးတာ။ အဲ့ဒီတုန်းက သုံးထပ်ကို တက်လိုက် ဆင်းလိုက်တာများ ဆူပါမင်း ထိုင်ငိုင်သွားမယ်။ ဝီကိုခေါ်လို့။ အပင်တွေဆိုတာလဲ ခြေဖမိုးလုံတဲ့အပင်တောင်မရှိဘူး။ မိုးတွင်းသာဆို မိုးကြိုးလွဲကြမှာမဟုတ်။
 အဲ့လိုကျောင်းမှာ တက်ဖြစ်ရင်းနဲ့ တရက်...  ဆရာမလာသေးတော့ အလယ်ဆောင် အပေါ်ဆုံးထပ်ကိုတက်ပြီး ဝရံတာမှာ ထွက်ရပ်နေရင်း တိုင်ကိုမှီမယ်အလုပ်မှာ အရမ်းလှတဲ့လက်ရေးလေးသွားတွေ့တယ်။ ဘယ်မှာရှိမတုန်းလေ။ ဒို့ရွှေပြည်သား လူတော်များလေးတွေပဲဟာ... တိုင်မှာရေးထားတာပေါ့။ မလုပ်သင့်ဘူးပဲလို့ ခေါင်းတခါခါနဲ့ ဖတ်နေလိုက်တာ ကြိုက်သွားပြီး အခန်းထဲပြန် စာအုပ်ယူပြီး ကူးထားလိုက်တယ်။ ဒင်းက နာမည်တော့ မရေးထားဘူးရယ်။ ပင်ကိုယ်ရေးလား ကူးစာ လားတော့ မသိဘူးပေါ့လေ။




*လျှို့ဝှက်အချစ်


လိပ်ပြာငယ်ထံ
မသိုဝှက်တတ်တဲ့ ရနံ့တခုရဲ့ပလွှားမှုကြောင့်
လေညှင်းကတဆင့် ပေါက်ကြားသွားခဲ့ပေါ့
သိပ်လှတဲ့ပန်းတပွင့်ရှိမှန်း...


သူစိမ်းတယောက်ထံ
မမြိုသိပ်တတ်တဲ့ သက်ပြင်းတခုကြောင့်
အသံလှိုင်းကတဆင့် ပေါက်ကြားသွားခဲ့ပေါ့
လျှို့ဝှက်တဲ့သောကတခုရှိမှန်း...


ဘာကိုမှ စိတ်မချရတော့
မျက်ဝန်းတခုကို 
ကဗျာကယာမှိတ်လိုက်ရရဲ့
သူ့ထံအမှတ်မထင်ပေါက်ကြားသွားလေမလား
တသက်တာလုံခြုံသိမ်းဆည်းထားသင့်တဲ့အချစ် 
သက်ဆိုင်သူနှစ်ဦး မနာကျင်မီ...။


အမည်မသိ
ညောင်ကိုင်းတက္ကသိုလ်
အလယ်ဆောင် အပေါ်ဆုံးထပ်မှ
၁၉ ၀၄ ၀၂ 


ဆိုပဲ... မှတ်ထားပုံက။ ညောင်ကိုင်းတက္ကသိုလ်ဆိုလို့ တခါ ပါမောက္ခချုပ်ဟောက်တာ ခံလိုက်ရတယ်။ တော်သေးတာ ဖုန်းနဲ့မိုလို့။ ဘာစုံစမ်းမလို့လဲမမှတ်မိတော့ပါဘူး။ ပါချုပ်ရုံးကို ဖုန်းဆက်ပြီး ညောင်ကိုင်းတက္ကသိုလ်ကပါလားရှင် သွားလုပ်တာ ဘာညောင်ကိုင်းလည်း တောင်ငူတက္ကသိုလ် ဆိုပီး အော်ထည့်လိုက်တာ အကျယ်ကြီးပဲ။ တကယ်တော့ မဗျိုင်းတွေပါ။ ညောင်ကိုင်းရွာက လယ်တောတွေထဲမှာလည်း ဆောက်ထားသေးတယ် အဲ့လိုခေါ်တော့ မခေါ်ရဘူးတဲ့။ နို့... သိမှသိပဲလေ။

လက်ရွေးစင် ၂

တလက်ရွေးထဲ လက်ရွေးစင်နေတာ အိမ်မှာ ကော်ဖီမှုန့်ကုန်သွားလို့လဲ ပါ ပါတယ်။ မှတ်စုထဲကူးထားတဲ့ ကဗျာလေးတွေကို မျှချင်တာလဲပါ ပါတယ်။ တချို့ကဗျာတွေက ဘယ်သူရေးမှန်းမသိပဲ အမတွေ သိမ်းထားတာတွေ့ရင်းဖတ်လို့ ကြိုက်ရင် ကူးထားလိုက်တယ်။ တခါ တခါ မဂ္ဂဇင်းထဲမှာ တွေ့ရင် ကူးထားလိုက်ပြန်ရော။ အဲဒီလိုကူးထားတာတွေမှာ စ ကူးခါစက ဘယ်ကယူတယ်ဆိုတာ မှတ်ရကောင်းမှန်းမသိဘဲ စာသားချည့် ယူထားမိတယ်။ နောက် ကိုယ်ပြန်ဖတ်တော့ ဘယ်မှာ ပါတာပါလိမ့်လို့ ပြန်စဉ်းစားမိရင်း ဘယ်သူရေးတယ်၊ ဘယ်ထဲမှာပါတာ ဆိုတာကို မှတ်ဖြစ်တော့တယ်။ ဒါတောင် ရေးသူပဲ မှတ်ဖြစ်ပြီး ဘယ်ထဲမှာပါတာကို မမှတ်ဖြစ်တဲ့ကဗျာက များနေသေးတယ်။ 

*အချိုးညီ ဖြစ်စဉ်များ

ချိန်တော့ အတည့်သား
မြားမဖြောင့်စင်း
ပစ်ကွင်းလွဲချော်...။


သွက်သွက်တော့လှမ်းသား
လမ်းကောက်လိမ်ကွေး
ခရီးဝေးကွာ...။


ပြုံးတော့ ပြုံးရှာသား
စိတ်ထားကောက်ကျစ်
နှလုံးညစ်တော့
ချစ်သူလျော့လို့
အော့သူကုဋေ...။

တိုးဝေ
---------------

*ထမင်းပွဲ အဘိဓမ္မာ

သမာအာဇီဝနဲ့ 
စားရတဲ့ ဟင်းတခွက်
ကန်စွန်းရွက်ပေမယ့်
ခံတွင်းမပျက်ပါနဲ့မေ ။     ။


မိစ္ဆာဇီဝနဲ့
စားရမယ့်ကြက်သားဟင်း
မဆလာနံ့သင်းပေမယ့်
မရှင်းတဲ့ခံတွင်း
ထမင်းနင်လှသလေ ။     ။


မောင်ခင်မှိုင်း (ချောက်)


...ကိုယ်တော်တော် တော်တာပါ။ ဒီကဗျာမှာ နောက်ဆုံးစာကြောင်းက "သလေ" နဲ့ ဆုံးထားလို့ မလှလိုက်တာဆိုပီး ကိုယ်ကူးထားတဲ့ စာအုပ်ထဲမှာ "ထမင်းနင်လှတယ်မေ" ဆိုပီး ပြင်ရေးထားလိုက်တယ်။ ဒါပေမယ့် ပြန်ဖတ်တိုင်း "သလေ" ကိုပဲ သွားသွားသတိရနေမိတယ်။...
---------------


၀၆ ၀၈ ၉၉ တဲ့... ကူးထားတဲ့နေ့

*နှစ်ယောက်တွဲစီးရီး


"နား"
ကြားသ၍မှတ်တမ်းပြု
စုဆောင်းထားသမျှ...။
ပါးစပ်ကတော့
အလကားရတိုင်း ချန်မထား
အတင်းကောင်းပါးလေ၏...။


မောင်နှင်းပန် (ရေနံချောင်း)

လက်ရွေးစင်

မောင်လှမျိုးကို အသဲအသန်ကြိုက်ခဲ့တုန်းက ကူးထားခဲ့တဲ့ သူ့ကဗျာတွေထဲကမှ ရှိတဲ့ပုံနဲ့လိုက်တဲ့ကဗျာကို ရေးထားတာ။

စာကြွင်း။     ။ အသီးရေ... အဖက်မလုပ်တာ မဟုတ်ရပေါင်အေ။ ဒီရက်တွေမှာ မအားလို့ပါ။ နောက်မှ ရှည်ရှည်ရေးမယ်နော်။

ဒုတိယမိခင်

လူမျိုးစုံ၊ ဘဝစုံ၊ ဒေသစုံနဲ့ စဉ်ကာပတ်ဝန်း တင့်ရွှန်းတဲ့ မိခင်

ရသပေါင်းစုံ၊လမ်းပေါင်းစုံနဲ့ တံတားတည်ခင်း ဖြတ်လျောက်စေရင်းနဲ့ ပင့်တွန်းတဲ့မိခင်

လူမျိုးစိမ်းကျက်၊ ဓနနည်းများ အမှုမထား ပညာရင်နို့သောက်စို့စေ၍ ဝံ့စွမ်းစေတဲ့မိခင်

သြော်... မိခင်ရေ... ခွဲရတော့မှာပါလား။

လောကသစ္စာ

ပျိုမြစ်နုသစ်နေပေမယ့်

ယိုယွင်းပျောက်ရှင်းသွားနိုင်တဲ့

သွင်ပြင်ကြန်အင် ရုပ်လက်သွင်ကို

ထုဆစ်ပုံသွင်း အခြေတည်စေရင်းနဲ့

သင်္ခါရကိုမေ့ခဲ့တယ်။     ။

All Saints Day နှင့် ကိုယ့်ရဲ့ သူရဲကောင်း

နိုဝင်ဘာ ၁ ရက်နေ့ဟာ ခရစ်ယာန်တွေအတွက် နေ့ထူးတရက်ပါပဲ။ အဲဒီနေ့ဟာ ရိုမန်ကက်သလစ်ခ် ဘာသာဝင်တိုင်းရဲ့ ပွဲလို့လည်း ခေါ်လို့ရတယ်။ ကက်သလစ်ခ် တွေ ဟာ ကလေးမွေးဖွားလာလို့ ကလေးလေး  လသားအရွယ်လောက်( တချို့ဆို ရက်ပိုင်းလောက်)  ရောက်ရင် ဆေးကြောခြင်း မင်္ဂလာခံယူစေရင်းနဲ့ သူလေးမွေးတဲ့ ရက်၊ လ အလိုက် အဲ့ဒီနေ့ရဲ့ သူတော်စင် တပါးပါးရဲ့နာမည်ကို ပေးကြပါတယ်။ တချို့ရက်တွေဆို သူတော်စင် နှစ်ပါး၊ သုံးပါးရဲ့ ပွဲနေ့တွေဖြစ်နေတတ်ပါတယ်။ All Saints Day လို့ခေါ်တဲ့ နိုဝင်ဘာ ၁ ရက်ကတော့ သူတော်စင် အားလုံးရဲ့ ပွဲပါ။ 


သူများကို ဝန်ထုပ်ဝန်ပိုးဖြစ်စေမှာ အရမ်းကြောက်တတ်တဲ့၊ ဆေးလိပ်အရမ်းကြိုက်တဲ့၊ ကွမ်းအရမ်းကြိုက်တဲ့၊ ဆိုင်ကယ် ကား မမောင်းတတ်တဲ့၊ အရက်သောက်ရင် အလာဂျီဖြစ်တဲ့၊ မိသားစုဆုံဆုံညီညီမှ ထမင်းစားချင်တဲ့၊ ထမင်းအေးအေး ဟင်းအေးအေးလုံးဝမစားတတ်တဲ့၊ ရိုက်ဖို့ထက် ဆုံးမစကား တနာရီနီးပါး မနားတမ်းပြောတတ်တဲ့၊ သူများကို စပရိုက်စ် လုပ်ရတာ အရမ်းကြိုက်တဲ့၊ အိမ်မှာနေရင် ပုဆိုးပဲဝတ်ပြီး ခရီးသွားရင် ဂျင်းဘောင်းဘီပဲဝတ်တတ်တဲ့၊ အပြင်ထွက်ရင် လူကသာ အပြင်ရောက်တာ အမွှေးနံ့တွေက နောက်နာရီဝက်လောက် ကြာမှ အိမ်ကနေ ခွာသွားတတ်တဲ့ ကိုယ့်ဒယ်ဒီကို ဒီ နိုဝင်ဘာ ၁ရက်နေ့မှာ မွေးပါတယ်။ မိသားစုနဲ့နေချိန်မရှိပဲ သူ့အချိန်တော်တော်များများ သူ့ဘဝအစိတ်အပိုင်းအားလုံးနီးပါးကို မိသားစုအတွက် မိသားစုနဲ့ဝေးရာမှာနေရပြီး ဖြည့်ဆည်းပေးနေတဲ့ ဒယ်ဒီ့ကို ဒယ်ဒီနားပါတော့ သမီးကလှည့်ရောက်ပြီလို့ပြောနိုင်တဲ့နေ့ မြန်မြန်ရောက်ချင်လှပြီ။ 

ဒယ်ဒီ့ဘာသာနာမည်က နတ်ဆိုးတွေနဲ့ကြုံတွေ့ရင် ရင်ဆိုင်တိုက်ခိုက်ပေးတဲ့၊ ဘုရားသခင်ရဲ့ သိကြားတမာန်တော်အကြီးအကဲ Saint Michael ကို ယူထားတာပါ။ (Archangle: Treading on Satan or a serpent; carrying a banner, sacles, and sword) လို့လည်း ခေါ်ပါတယ်။ (Guardian of the Catholic Church) လို့လည်း သတ်မှတ်ပါတယ်။ Saint Michael က ဘုရားပြီးရင် သူပါပဲ။ သာသနာတော်ကို စောင့်ရှောက်ရင်း ဘာသာသူများအပေါ်မှာလည်း ကာကွယ်မှုတွေပေးသလို ကိုယ့်ဒယ်ဒီ U Michael ကလည်း အိမ်ရဲ့ဦးစီး၊ ကာကွယ်ရေးမှူး စောင့်ရှောက်ရေးမှူးတာဝန်ကို ကျေကျေပွန်ပွန်နဲ့ကို ထမ်းဆောင်ပါတယ်။ အဖေကျေပွန်ခဲ့တဲ့ ကျေပွန်နေဆဲဖြစ်တဲ့တာဝန်တွေကို ပခုံးပြောင်းယူရင်း ဒယ်ဒီနဲ့ မာမီနှစ်ယောက်စလုံးကို နှစ်ရှည်လများ လုပ်ကျွေးပြုစုခွင့်ကို ရချင်ပါတယ်။


HAPPY BIRTHDAY, AND HAPPY FEAST DAY DADDY  !!!


*****

(Saint Michael အကြောင်းကို ဝီကီကနေ ယူပါတယ်။) 
ပထမပုံကို ဒီက ယူပြီး ဒုတိယပုံကို ဒီက ယူပါတယ်။

မထိခလုတ် အလွမ်းများ...

ဘာလိုလိုနဲ့ အောက်တိုဘာ ၃၁ ကိုရောက်ပြီ။ ရေတွေကြီးနေတာ မကျသေးပေမယ့် မနက် မနက်ဆို ဆောင်းသရုပ်က နည်းနည်းတော့ ပေါ်လာနေလေရဲ့။

ဆောင်းဝင်ပြီဆိုတာနဲ့ပန်းနွယ်တွေ ရစ်ပတ်နေတဲ့ ခြံစည်းရိုးပေါ်ကနေ ပွင့်လာတဲ့ ဂေါ်သဇင်ပွင့်တွေကို လွမ်းတယ်။ မြေပေါ်မှာကြွေကျနေတာ နည်းနေပြီဆို ပင်စည်သေးသေးလေးကို လက်နဲ့လှုပ်လို့ ကြွေလာတာ အားမရလို့ လူကြီးတွေအလစ် ခြေထောက်နဲ့ဝိုင်းကန်မှ ကြွေလာတဲ့ ဆိပ်ဖလူးပန်းလေးတွေကိုလည်း လွမ်းတယ်။ ညမှာတိုက်တဲ့ လေစိမ်းစိမ်း ခဲခဲ၊ မနက်စောစောမှာ  နေရောင်နုနုလေးကို ဖြတ်တိုက်လာတဲ့ အေးဖျော့ဖျော့လေကလေးကိုလည်း လွမ်းတယ်။ စက်ဘီးစီးခါနီး ရေစက်တွေသီးနေတဲ့ ထိုင်ခုံကို သုတ်ရတိုင်း လက်တွေအေးသွားရတဲ့ ခံစားချက်ကိုလည်း လွမ်းတယ်။ ဘုရားကျောင်း ကုန်းပေါ်မှာပွင့်နေတဲ့ တပင်တည်းသော ငုချယ်ရီ ပန်းရောင်လေးတွေကိုလည်း လွမ်းတယ်။ မနက်စာ သွားဝယ်ရတိုင်း မသဲကွဲတဲ့ မြူတွေကြားထဲ ချမ်းတအေးအေးနဲ့ စက်ဘီးစီးရတာကို လွမ်းတယ်။ အမေဝယ် လာတဲ့ ထန်းမြစ်စည်းကြီးကိုလည်း လွမ်းတယ်။ 

သူ့ ဒေါ်ဆယ် စားမိလို့ကတော့ ဘယ်ဒေါ်ဆယ်မှ စားလို့မရတော့လောက်အောင် ဒေါ်ဆယ်မှော် အောင်နေလားထင်ရတဲ့ ပြန်ကြားရေးရုံးရှေ့က ဒေါ်ဆယ်ဆိုင်လေးကိုလွမ်းတယ်။
All Souls Day အတွက် သင်းချိုင်းရှင်းကြရင်း ခံတက်ရွက်တွေခူးရတာကိုလည်း လွမ်းတယ်။ မြေပုံလေးတွေ၊ အုတ်ဂူလေးတွေပေါ်ထွန်းထားတဲ့ ဖယောင်းတိုင်တွေက ဖယောင်းတွေ ခွါကြရင်း ဖယောင်းလုံး အကြီး၊ အသေးပြိုင်ကြတာကိုလည်း လွမ်းတယ်။ မနက်ကျူရှင်သွားရင်း စွယ်တော်ပင်တွေနားဖြတ်သွားရင် ရတတ်တဲ့ စွယ်တော်ပန်းရောင်လေးတွေရဲ့ အနံ့ကိုလည်း လွမ်းတယ်။ နွေဦး ဆောင်းဦး မိုးဦးလေးတွေဟာ လူကိုဖမ်းစားနိုင်လွန်းလှတယ်။ လွမ်းစရာ မည်မည်ရရ ချပြလို့မရပဲ လွမ်းနေရတဲ့အဖြစ်ကိုက လွမ်းစရာလေးပါပဲလေ။

အိမ်ပြန်ချင်တယ်။    ။

အနှစ်ရာကျော်ရှည်ပါစေ...

မွေးချင်း ငါးယောက်မှာ ဒုတိယဖြစ်ပေမယ့် အမကြီးအမိအရာဆိုတဲ့ဘွဲ့ကို ရထားတယ်။ မိသားစုအရေးနဲ့ ကိစ္စတော်တော်များများဟာ ခရီးဝေးသွားသွားနေရတဲ့အဖေနဲ့ အားကိုးလို့သိပ်မရတဲ့ အစ်ကိုကြီးကြောင့် သူ့ခေါင်းပေါ်ပဲကျခဲ့ရပြန်တယ်။ ညီအမသုံးယောက်မှာလည်း အရိုး၊ အ အဆုံး။

ဒီလိုနဲ့ ပုလဲနဲ့ငါးမှာလုပ်တဲ့ ကောင်ကလေးတယောက်နဲ့ အိမ်ထောင်ကျပြီး မုဆိုးမအမေကိုမခွဲနိုင်တာနဲ့ အမေနဲ့ မောင်နှမတွေနဲ့ပဲ ချို့ချို့တဲ့တဲ့ နေခဲ့ရတယ်။ တနေ့တော့ ကောင်ကလေးက နိုင်ငံခြားသင်္ဘောသားအဖြစ်လူရွေးတဲ့အထဲကို ပါသွားတယ်။ ဒီလိုနဲ့ နိုင်ငံတကာသွားရရင်း ခရစ်စမတ်ရောက်တော့ ကောင်ကလေးက ကောင်မလေးကို ကဒ်ကလေးလှမ်းပို့ပြီးနှုတ်ဆက်တယ်။ ကဒ်ကလေးရောက်လာတော့ ဖွင့်ကြည့်တာပေါ့။ အဲ့ဒီမှာ ထူးဆန်းစွာပဲ ကဒ်ကလေးက ခရစ်စမတ်သီချင်းတီးလုံးလေးတွေမြည်လာပါရော။ ကောင်မလေးနဲ့ အိမ်သားတွေအားလုံးအရမ်းအံ့သြသွားကြတယ်။ နောက်မှ အားလုံးသတိပြန်ဝင်လာပြီး ကဒ်ကလေးကိုယူပြီး ဒရောသောပါးနဲ့ ဘုရားစင်ပေါ်သွားတင်ပြီး ဘုရားရှိခိုးကြပါလေရော။ အသံမြည်တဲ့ နှုတ်ဆက်ကဒ်ကလေးကို တခါဖူးမှမမြင်ဘူးတော့ ဘုရားတန်ခိုးပြတယ်ထင်လို့တဲ့လေ။

ဒီလိုနဲ့ ရက်ကိုလစား၊ လကိုနှစ်စားရင်း ကောင်ကလေးခရီးသွားရတဲ့အရေအတွက်ဟာ များလာတယ်။ ခရီးတခုက ပြန်လာတော့ ကောင်မလေးအတွက် ကက်ဆက်ကလေးဝယ်လာတယ်။  ကောင်မလေးခမျာ တခါမျှ အဲ့လိုကက်ဆက်မျိုးကို မမြင်ဖူးဘူးတဲ့။ အဲ့ဒါနဲ့ကောင်လေးက ရှင်းပြတယ်။ ဒီကက်ဆက်က နောက်ဆုံးပေါ်နည်းနဲ့လုပ်ထားကြောင်း၊ လူတွေအဆင်ပြေဖို့ကို ဦးစားပေးထားကြောင်းတွေပေါ့။ ဘယ်လောက်တောင်လဲဆို လူက အနားကပ်သွားရင် အသံကို အလိုလိုတိုးပေးပြီး လူက ကက်ဆက်နဲ့ဝေးသွားရင် အသံကို အလိုလိုကျယ်ပေးတယ်ဆိုပဲ။ အဲဒါနဲ့ ကောင်မလေးက စမ်းကြည့်တော့လဲ အဟုတ်ပဲ။ တကယ့်ကိုအံ့မခန်းပဲဆိုပီး ရှေ့တိုးကြည့်လိုက်၊ နောက်ဆုတ်နားထောင်ကြည့်လိုက်နဲ့ အလုပ်တွေရှုပ်နေတုန်း ရယ်သံကထွက်လာရော။ နောက်လှည့်ကြည့်လိုက်တော့မှ ကောင်ကလေးရယ်လေ ရမုတ်ကွန်ထရိုး ကိုင်ပြီး ကောင်မလေးကို ပြုံးပြီးကြည့်နေတယ်တဲ့။

ကောင်ကလေးက ရန်ကုန်ကို သွားသွားပြီး ရုံးတက်ရတယ်။ မီးရထားလက်မှတ်က အဲ့အချိန်တုန်းက သုံးရက်ကြိုဝယ်မှရတာလေ။ ပြီးတော့တန်းကစီရသေးတယ် အဲ့ဒီလက်မှတ်ကိုရဖို့ရာ။ ရန်ကုန်က ရုတ်တရက်ဖုန်းဆက်ပြီးလာပါဆိုတော့၊ လိုင်းကားတွေကမဆွဲသေးတဲ့အဲ့ဒီအချိန်မှာ ရထားကပဲအားကိုးစရာပေါ့။ ကောင်မလေးက ဘူတာမှာသွားမေးတော့ ဗီအိုင်ပီနေရာတွေပဲကျန်တော့တယ်တဲ့။ အဲ့နေရာတွေကို ဘယ်လောက်ပေးပေး မရောင်းရဲကြဘူးလေ။ အဲဒါနဲ့ကောင်မလေးက ဘယ်လိုနည်းနဲ့  အဲ့ဗီအိုင်ပီလက်မှတ်ကိုရနိုင်မလည်းမေးတော့ ရထားလက်မှတ်ရောင်းကဘုတောလိုက်တယ်။ တိုင်းမှူးဆီသွားမေးတဲ့။ အဲ့ဒါနဲ့ တကယ်မှတ်ပြီး တိုင်းမှူးနေတဲ့တပ်ထဲ ကားစီးသွားပြီး လက်မှတ်တစောင်ရအောင်သွားတောင်းလိုက်တယ်။ ထူးဆန်းစွာနဲ့ လက်မှတ်ရခဲ့သတဲ့။

ကောင်မလေးက သူ့သားသမီးတွေကိုလဲသိပ်ယုံတာ။ ဘာပြောပြောယုံတယ်။ အဲဒီတော့ သူ့သမီးအကြီးဆုံးနဲ့ သားအငယ်ဆုံးက လှည့်ပတ်ပြီးပြောတဲ့နေရာမှာ ထိပ်ဆုံးကနေရာယူထားပေမယ့် ကြာတော့ မလုပ်ရက်တော့ဘူးတဲ့။ အဲဒီလိုနဲ့ သူ့ကိုဆို လိမ်မပြောတော့ဘူးတဲ့။ ကြီးလာမှ သူ့သမီးအကြီးကရိပ်မိလာတယ်။ မြို့လေးသေးသေးလေးမှာ၊ ဆရာမလုပ်တဲ့ကောင်မလေးဟာ တပည့်တပန်းတွေ၊ လုပ်ဖော်ကိုင်ဖက်တွေကြောင့် သားသမီးတွေအပြင်မှာလုပ်သမျှ သူမသိပဲရှိနိုင်ပါ့မလားလေ ဆိုပြီးပေါ့။

ဒီလိုနဲ့ပဲ အဲ့ဒီကာင်မလေးဟာ အဒေါ်ကြီးတယောက်အနေနဲ့ ဒီနေ့မှာ ၅၇ နှစ်ပြည့်ခဲ့ပြီ။

နှစ်ပေါင်းများစွာထိ ဒယ်ဒီနဲ့အတူတူ ကျန်းမာစွာနေထိုင်နိုင်ပြီး သားသမီးတွေတပြန်တလှည့်လုပ်ကျွေးပြုစုနိုင်ခွင့်ကို ပေးနိုင်ပါစေ။

HAPPY BIRTHDAY MOM !!!

အကြွင်း

နုပျိုချိန်မှာ

ငါမှ... အဟုတ်။

ရင့်ကျက်ချိန်မှာ

ဘာမျှမဟုတ်။

နေဝင်ချိန်မှာ

ပြာစတဆုပ်။

မောင်ခင်မှိုင်း (ချောက်)

သည်းထိတ်ရင်ဖိုမဂ္ဂဇင်း တွဲ- ၆၊ အမှတ်- ၁။

ဖေဖော်ဝါရီ ၂၀၁၀၊ စာမျက်နှာ ၇။

ကန်ဒီ့ အတွက် -၂

အကြွေးဆိုတာ ကိုယ့်အတွက်တော့ ကြာလေကောင်းလေများဖြစ်နေမလားမသိ။ တက်ဂ်ခံလိုက်ရတိုင်း နောက်ကျခါမှ မြင်မြင်နေတတ်သည်။ ခုလည်း ကန်ဒီတက်ဂ်ထားတဲ့ သြဂုတ်လထဲကပိုစ့်ကို ခုမှတွေ့သည်။ ဘာပဲပြောပြောပါလေ ခုသိတော့ ခုဆပ်ရုံပေါ့... နော့။ 

နိုင်ငံအပြင်ရောက်တော့ မြန်မာစာအုပ်ဆိုတာတွေနဲ့ဝေးခဲ့ရသည်။ အိမ်မှာရှိတဲ့စာအုပ်တွေကိုလည်း ကီလိုမျက်နှာနဲ့ ယူမလာနိုင်။ စာငတ်တာလောက်ခံရခက်တာဘာမှမရှိဘူးလို့တောင်ထင်မိတယ်။ အဲဒီမှာ သူငယ်ချင်းလေး ကောင်းမှုနဲ့ ပိုစ့်လေးတပုဒ် ကိုစမြင်ဖူးခဲ့ရသည်။ အဲ့ဒါကို ဘလော့လို့ခေါ်မှန်းလည်းမသိ။ ဘာဆိုဘာမှန်းကိုမသိ။ အဲ့အချိန်မှာ ကိုယ်သိတာတခုပဲရှိတယ်။ ငါမြန်မာလိုဖတ်လို့ရဘီဆိုတာပါပဲ။ ဖတ်ဖတ်ချင်းကိုပဲ ဇာတ်လမ်းရော အရေးအသားကိုရော အရမ်းကိုသဘောကျသွားမိသည်။ အဲ့ပိုစ့်ဖတ်လိုက်ရတဲ့အချိန်မှာ ခံစားရတဲ့ပျော်ရွှင်မှုကို အခုပြန်တွေးရင် ကိုယ်အခုပြန်ရတယ်။ 

အဲဒီဘလော့ကမှတဆင့် တခြားဘလော့တွေကို သွားလည်တတ်လာခဲ့တယ်။ တခုခုဆို ခြေလွန်လက်လွန်ဖြစ်တတ်တဲ့ကိုယ်ဟာ ဘလော့ဖတ်သူအဖြစ်ကို အချိန်ပြည့်ကိုရောက်သွားတော့တာပါပဲ။ အဲဒီတုန်းကဘလော်ဂါတွေကလည်း ရေးအားတော်တော်လေးကိုကောင်းကြပါတယ်။ တရက်လောက်လွတ်သွားရင် လိုက်ပေတော့ပဲ။ ဖဘ ကလည်း ခေတ်မှမစားသေးတာကိုးလေ။ ဘလော်ဂါတွေကို တိမ်းပွေအောင်လုပ်တဲ့ ဖဘကို ကိုယ်မုန်းတယ်။ သူ့ကြောင့် စာသိပ်မရေးဖြစ်ကြတော့သလိုလဲ ခံစားရတယ်။ 

ခုထက်ထိကိုယ်လွမ်းနေတဲ့ဘလော်ဂါတွေရှိတယ်။ မင်းတစေဆိုတဲ့ဘလော့ဂါကတော့ ကိုယ့်အကြိုက်ဆုံးပဲ။ ခုတော့သူမရေးတော့ဘူးတဲ့။ နောက်တခုက မလေးမ နဲ့ မဂျစ်တူး။ သူတို့လည်း မရေးကြတော့ဘူး။ 

လက်ရှိရေးနေတဲ့သူတွေထဲမှာ ကိုယ်အကြိုက်ဆုံးက ရီတာကို နဲ့ အမ ရွှေပြည်သူ ပဲ။ 

အသစ်တွေထဲက ကိုယ်မိတ်ဆက်ပေးချင်တာက (တကယ်တော့ ကိုယ်လဲအသစ်ပါပဲ။) အီးတီ။ ကိုယ်သိတဲ့ ဘလော့အသစ်က ဒါပဲရှိတာမို့ပါ။ 

ဘလော်ဂါတွေ စိတ်သွားတိုင်းလက်ပါစွာ စာရေးနိုင်ကြပါစေ။

စိတ်ရေပြင်ပေါ်က အတိတ်ခြေရာများ... ၁

ကျောင်းပေါက်ဝကိုရောက်တော့ ကိုယ်တို့ စီးလာသည့်ကားကြီးက ကဆုန်ဆိုင်းလာရာမှ ရုတ်တရက် ရပ်တန့်ပေးသည်။ ကျောင်းသား နှစ်ယောက် ယောင်နနနှင့် ဆင်းလာကြသည်။ ကိုယ်နဲ့ ကိုယ့်သူငယ်ချင်းပေါ့။ 

အစိမ်းရောင်နောက်ခံမှာ အဖြူရောင်စာသားတွေနဲ့ရေးထားတဲ့ သစ်တောကျောင်းဆိုတာ ကိုယ်တို့တက်ရမယ့် ကွန်ပြူတာကောလိပ်တဲ့။

ကျောက်စရစ်ခင်းထားတဲ့ ဝင်ပေါက်ကိုကျော်လာတော့ မြေနီလမ်း မကျဉ်းမကျယ်လေးက တမျှော်တခေါ် ဆီးကြိုနေသည်။ ကျောင်းပထမနေ့ဆို၍ ဝတ်လာသည့်ထမီနှင့် ဒီလမ်းကိုလျောက်ဖို့ တော်တော်လေးတော့စိတ်ညစ်သွားမိသည်။ အမေ့ဘီဘဲလ်ထမီက ခြေထောက်အလွန်ရှသည်။ ဒါပေမယ့် လမ်းကလေးအင်မတန်သာယာတာကိုတော့ စိတ်ညစ်ညစ်နှင့်ပင် သတိထားလိုက်မိ၏။ 

တလမ်းလုံးမှာ ကိုယ်တို့နှစ်ယောက်နဲ့ သစ်ပင်တွေချည်းပဲရှိသည်။ တာရိုးဖို့ထားသလိုလမ်းမြင့်မြင့်လေးနှင့် ယူကလစ်ပင်ကြီးတွေ၊ ဘေးတဖက်တချက်မြေအနိမ့်မှာ သီဟိုပင်တွေမျက်စေ့တဆုံး...။ လမ်းဆုံးရွာတွေ့ထုံး နှလုံးမူရင်း ဆက်လျောက်လာကြရာ တော်တော်လေးလှမ်းတော့ လမ်းကလေးက ညာဖက်ကို လမ်းသွယ်လေးတခုအဖြစ်ချိုးသွားသည်။ လှမ်းကြည့်လိုက်တော့ တိုက်တန်းပုလေးတလုံး။ လူကတယောက်မှမရှိ။ ဒါနဲ့မဖြစ်ချေဘူးဆိုပြီး ဆက်လျောက်ကြပြန်သည်။ 


ဒီတခါတော့ နောက်ထပ်လမ်းချိူးလေးတွေ့ဖို့အတွက် သိပ်မလျောက်ရတော့ပါ။ ဒီလမ်းလေးကတော့ နည်းနည်း ပိုရှည်သည်။

ကိုယ်တို့နှစ်ယောက်သား ရှေ့ဆက်လျောက်ရမလား ညာချိုးရမလား စဉ်းစားရင်း ညာဖက်ကိုကြည့်လိုက်မိတော့ အဆောက်အဉီလေးတွေ စီရရီ နှင့် လူငယ်တချို့ကို စတွေ့လိုက်ရ၏။ ဆက်လျောက်ဖို့အကြံကို စွန့်လွှတ်လိုက်ပြီး ညာဖက်ကိုပဲချိူးလိုက်ကြသည်။ ဒီလမ်းသည် ကိုယ့်ဘဝကို တဆစ်ချိုးပေးလိုက်တဲ့ ပထမဆုံး လမ်းချိုးလေးမှန်း နောက်များမှာတော့ သိလာရသည်။

ဒီလမ်းသွယ်လေးက တိုပါသည်။ ဆက်လျောက်သွားတော့ ဘယ်ဘက်မှာ ပျဉ်ထောင်အိမ် အမဲလေးတလုံးနှင့် ညာဖက်မှာ တိုက်တန်းလျားလေးတခု။ စာသင်ဆောင်ကတော့ ပျဉ်ထောင်အိမ်တော့မဟုတ်လောက်ဟု ကိုယ့်ဘာသာကိုယ် ဆုံးဖြတ်ကာ တိုက်တန်းလျားလေးဖက် ထပ် ချိုးလိုက်သည်။ မြေနီလမ်းကနေ လူတယောက်လျောက်စာ ကျောက်စရစ်လမ်းလေးဆီသို့ နိမ့်ဆင်းသွားရာအဆုံးတွင် ကိုယ်တို့တက်ရမည့် နှစ်ခန်းတွဲ စာသင်ခန်းရှိပါသည်။ တခန်းက ကျောင်းရုံးခန်းလုပ်ထားတော့ စာသင်ခန်းက တခန်းထဲပေါ့။ 

ကွန်ပြူတာတွေကို ဘယ်မှာထားမှန်းတော့ မသိသေးပေ။

*****
(ဆက်ရန်)

ကန်ဒီ့ အတွက်

ဘာတွေကြိုက်ပါလိမ့်လို့ စဉ်းစားလိုက်တော့...


အရောင်ဆိုရင်  နုနုမှိုင်းမှိုင်းလေးတွေကြိုက်ပေမယ့် ကိုယ်နဲ့ကမလိုက်ဘူး။ တောက်ချင်သလိုတောက် ဝတ်လို့ရတယ်၊ မှိုင်းပြီဆို ရှေ့မှာခွက်သာလာချလိုက် ကွက်တိ ဆိုသလိုဖြစ်သွားတာ။ တချို့တွေများ မှိုင်းမှိုင်းလေးတွေဝတ်လဲ ရုပ်ထွက်တယ်။ တကယ်က အရောင်ကိုအားလုံးနီးပါးကြိုက်ပါတယ်။ အညိုကိုတော့ ပိုဝတ်ဖြစ်သလိုပဲ။ ဂျင်းဘောင်းဘီ တီရှပ်၊ ခါးတင်ရင်ဖုံး ကြယ်သီးဆန်းဆန်း လုံချည်ခြေဒလျင့်တိုက်ကြိုက်တယ်။ လက်ထိုး ဆွယ်တာကြိုက်တယ်။ သနပ်ခါးကြိုက်တယ်။


အစားအစာဆို ဒညင်းသီး၊ စပျစ်သီး၊ ဒူးရင်းသီး၊ ချယ်ရီသီး၊ ထောပတ်သီး၊ ပီဇာ၊ ကော်ဖီနဲ့ ရှမ်းစာတွေဆို မငြင်းဘူး။ လိုင်ချီးဝိုင်နဲ့ ဂျင်းဝိုင်ကြိုက်တယ်။ ငပိရည်ပျစ်ပျစ်ကို တို့စရာ ကဒက်ချဉ်၊ ကြောင်လျာချဉ်၊ ပဲပင်ပေါက်၊ သရက်သီးကင်းလေးတွေနဲ့ ဝက်သားနီချက်ကို ပဲနီလေးဟင်းချိူလေးနဲ့ စားရမှာ ကြိုက်တယ်။ ပူရီကြိုက်တယ်။ ဒိန်ချဉ်နဲ့ မလိုင်မုန့်အကုန်နီးပါးကြိုက်တယ်။ မေမြို့က ရှမ်း(မ်) ဆိုင်ဆို တဆိုင်လုံးဝယ်ချင်တယ်။


တောင်ပေါ်မြို့မှာ သစ်သားအိမ်လေးနဲ့နေရမှာ ကြိုက်တယ်။ စမ်းချောင်းလေးရှိတာကြိုက်တယ်။ တောပန်းလေးတွေကြိုက်တယ်။ အနံ့သင်းသင်းနဲ့ပန်းလေးတွေကြိုက်တယ်။ ဒါပေမယ့် ဘိန်းပန်း အကြိုက်ဆုံး။ ထင်းရှူးပင်ကြိုက်တယ်။


သူများအတွက်၊ ကိုယ့်အတွက်မျှစဉ်းစားတဲ့သူကိုကြိုက်တယ်။ အများအတွက်သက်သက်၊ ကိုယ့်အတွက်ပဲသက်သက် ကြည့်တဲ့သူကို မကြိုက်ဘူး။ ကိုယ့်လစ်မစ် ကိုယ်သိတဲ့သူကို ကြိုက်တယ်။ စကားကို ဟိုပို့ဒီပို့သဘောမျိုးမဟုတ်ပဲ ပြောသင့်တယ်ထင်လို့ ပြောတတ်တဲ့သူကို သဘောကျတယ်။ မျှကြည့်တတ်တဲ့သူကို ကြိုက်တယ်။


စာဖတ်ရတာကြိုက်တယ်။ အမြင်တွေဖလှယ်ရတာကြိုက်တယ်။ ပန်းအိုးထိုးရတာကြိုက်တယ်။ ပန်းခူး၊ အသီးခူးရတာကြိုက်တယ်။ စိတ်လိုလက်ရရှိရင် အိမ်ရှင်းရတာကြိုက်တယ်။ ပရိဘောဂတွေ နေရာရွှေ့ရတာကြိုက်တယ်။ သစ်ပင်တက်ရတာကြိုက်တယ်။ မြေပေါက်ရတာကြိုက်တယ်။ ခြံရှင်းရတာကြိုက်တယ်။ 


အင်း... ဒါအကုန်ပဲထင်တယ်။

မမ မိုး အတွက်...

စာမရေးဖြစ်တာ တော်တော်ကြီးကို ကြာနေပါပြီ။ ဘလော့ လည်တာတွေလည်း ရပ်ထားတော့ ဒီရပ်ဝန်းလေးထဲမှာ ဘာတွေဖြစ်နေမှန်းကို အဆက်အသွယ်ပြတ်သွားခဲ့တယ်။ ကိုယ့်စိတ်ကိုယ် နိုင်ပြီထင်လို့ ဘလော့ဂင်းပြန်လုပ်မယ်လို့ ဆုံးဖြတ်လိုက်ပါတယ်။ အဲဒီမှာတင် အကြွေးတခုနဲ့ မကြွေးတကြွေးတခု တင်နေမှန်း သိလိုက်မိတယ်။

အကြွေးစစ်စစ်တခုက ညီမလေး Candy ရဲ့ တက်ဂ်ကြွေးပါ။ မကြွေးတကြွေးက မမ မိုးရဲ့ မတက်ဂ် တတက်ဂ် ကြွေးပါ။


ဘယ်ဟာကို အရင်ဆပ်ရင်ကောင်းမလဲစဉ်းစားတော့ မမ မိုးက July 12 ကတည်းကဆိုတော့ အရင်ဆပ်ရမှာပါ။ မဟုတ်ရင် အတိုးတက်လာမလားလို့။ ဒါပေမယ့်လည်း ပို့စ်အောက်ဆုံးမှာ တက်ဂ် ပြန်ဖြုတ်ကြောင်း ပါလာပါတယ်။ ပင်ပန်းမှာစိုးလို့ပါတဲ့။ အပင်ပန်းခံပလိုက်ပါ့မယ်။ 

ကိုယ့်ဆီမှာလည်း ရေးပေးပါ ဆိုတဲ့ စာအုပ်တအုပ်ရှိပါတယ်။ ရန်ကုန်အိမ်မှာကျန်ခဲ့ပါရောလား။ ကိုယ်လဲ အဲ့ဒါမျိူးလေးတွေကို အရမ်းဝါသနာပါ ပါတယ်။ သူငယ်ချင်းတွေရဲ့ လက်ရေးလေးလဲ အမှတ်တရ သိမ်းထားလို့ရတာပေါ့လေ။ ပေါက်ကရရေးထားတာတွေကျရင်လည်း ကောက်ရိုးမီးဒေါသထွက်ရတာပေါ့။


လာပါဘီ... မမ မိုးအတွက်

ကိုယ့်နာမည်	း ကက်သရင်း ဒရူးဘယ်ရီ ဇီတာမိုးဂျုန်း
ကိုယ့်ကိုသူငယ်ချင်းတွေက ဒီလိုခေါ်တယ်	းခြင်သေ့
ကိုယ့်ကိုကိုယ့်ဒီလိုခေါ်တယ်	း ဟေ့ရောင်
ကိုယ့်ကိုဒီနေ့မှာမွေးတယ်	းဗိုလ်ချုပ်ထက် ၃ရက်ကြီးတယ်
ကိုယ်ဒီမှာနေတယ်	း အိမ်ဖြူတော်
ကိုယ့်ဆီဖုန်းဆက်ချင်ရင်	း ဆက်ကရီထေရီ ကို အရင်ဆက်
ကိုယ့်အကြိုက်ဆုံးတွေက
အရောင်ဆိုရင်	း နုတောက်တောက်
အဝတ်အစားဆိုရင်	းအီဂျစ်မံမီဒီဇိုင်း
ဆံပင်ပုံစံ	း ကတုံးရှည်ရှည်
ဆံပင်အရောင်	း အနက်နုနု
စားစရာ	း မညှီရင်ပြီးရော
သောက်စရာ	း ပင်ကျရည်
ပစ္စည်း	း စာအုပ်
ပန်း	း ဘိန်းပန်း
လိုချင်တဲ့လက်ဆောင်	း မရှိ
အကြိုက်ဆုံးမင်းသား	း နတ်ရှင်နောင်
အကြိုက်ဆုံးမင်းသမီး	း ဆင်ဖြူမရှင်
ရုပ်ရှင်၊ဗီဒီယိုဇာတ်ကား	း ကိုယ့်ကား
တီဗွီအစီအစဉ်၊ဇာတ်လမ်းတွဲ	း မကြည့်
အဆိုတော်	းခြင်သေ့
သီချင်း	း လူနားလည်အောင်ဆိုနေသရွေ့နားထောင်တယ်
ဝတ္ထု	း စိတ်ခံစားမှုပေါ်မှာမူတည်တယ်
ဂျာနယ်၊ မဂ္ဂဇင်း	း ဘောလုံးနဲ့ ဆေးအကြောင်းကလွဲ အကုန်ဖတ်
အကြိုက်ဆုံး ကာတွန်းဇာတ်ကောင်	း ဘာဘီကလွဲရင်
အရုပ်	း ခွေးရုပ်
ဂိမ်းကစားနည်း	း ထုပ်စည်းထိုး
အားကစား	း မအားပါ
အကြိုက်ဆုံးစာရေးဆရာ	း စိတ်ခံစားမှုပေါ်မှာမူတည်တယ်
အလေးစားဆုံးပုဂ္ဂိုလ်	း မာဿာမေရီ
ကိုယ်ကြိုက်တဲ့ဘဝပုံစံ	း မှန်ထဲကပုံရိပ်ကို မရွံမရှာချစ်ချစ်ခင်ခင်ကြည့်နေနိုင်တဲ့ဘဝ
ကိုယ့်ရဲ့အချစ်ဆုံးသူ	း မသိ
အမုန်းဆုံးသူ	း မရှိ
အချစ်ဆုံးတိရစ္ဆာန်	း အောက်ကနှစ်ကောင်က လွဲ၍
အမုန်းဆုံးတိရစ္ဆာန်	း ကြမ်းပိုး၊ ပိုးဟပ်
အပျော်ဆုံးနေ့	း စိတ်ချမ်းသာတဲ့နေ့၊ နောင်တကင်းတဲ့နေ့
ဝမ်းအနည်းဆုံးနေ့	း အပေါ်ကနဲ့ပြောင်းပြန့်
ရင်အခုန်ဆုံးအချိန်	း မှန်းလို့မရတဲ့ အဖြေတွေ သိရမယ့်အချိန်များ
ကိုယ့်ရဲ့ဝါသနာ	း နေရာအနှံ့လျောက်သွားချင်ခြင်း (မသွားဖြစ်)
ကိုယ်စုဆောင်းတဲ့ ပစ္စည်းတွေက	း တိုလီမုတ်စ ဘာမှန်းမသိများ
ကိုယ်ကျွမ်းကျင်တဲ့အတတ်ပညာ	း အားလုံးနီးပါဆိုတော့ တခုချင်းပြောဖို့ခက်တယ်ကွယ်
ကိုယ့်ရဲ့ ရည်မှန်းချက်	း ကလေးလေးတွေ အေးချမ်းစေချင်တယ်
ကိုယ့်ရဲ့အိပ်မက်	း လမ်းပန်းဆက်သွယ်ရေးကောင်းမွန်တဲ့နေ့ အမိမြန်မာနိုင်ငံရောက်ဖို့
အားလပ်ချိန်ကိုဒီလိုသုံးတယ်	း အိပ်၊ စာဖတ်၊ စဉ်းစား
ကိုယ့်ကိုကိုယ်ဒီလိုမြင်တယ်	း ကိုယ့်ကိုယ်ကိုယ်ကြည့်ဖို့မှန် ပြဒါးသုတ်လို့မပြီးသေးဘူး
စိတ်ညစ်ရင်လုပ်တတ်တဲ့အပြုအမူ	း အိပ်
ပျော်ရင်လုပ်တတ်တဲ့အပြုအမူ	းစကားပေါက်ကရ တောင်မရောက်၊ မြောက်မရောက်တွေ လျောက်ပြောတယ် (အရမ်းခင်တဲ့သူတွေကို)
၅ မိနစ်သာ အသက်ရှင်ရတော့မယ်ဆိုရင် လုပ်မယ့်အလုပ်	း ရေချိုးပြီး (အလှပြင်၊ ရေမွှေးဆွတ်ကာ အဝတ်လှလှ၊ သစ်သစ်ဝတ်၍) ပက်လက်ကလေးလှဲအိပ်နေလိုက်တော့မယ်။ (နှစ်သက်လွန်း၍ ဖြည့်စွက်ကာရေးပါသည်။)
သိန်း ၁၀၀၀ ထီသာပေါက်ခဲ့ရင်	း နည်းလိုက်တာ
ဆုတောင်းတိုင်းသာပြည့်မယ်ဆိုရင် တောင်းမယ့်ဆု	း အသည်းကြီးကြီးရှိပါစေ။
ဘဝမှာ အရေးကြီးဆုံးက	း စိတ်ထားတတ်ဖို့
သူငယ်ချင်းဆိုတာ	း ကိုယ်ဘာကြောင့်ငိုတယ်၊ ဘာကြောင့်ရီတယ် အနီးစပ်ဆုံး ခန့်မှန်းတတ်တဲ့သူ
အချစ်ဆိုတာ	း ရရစ်နဲ့ပဲကောင်းပါတယ်
အမုန်းဆိုတာ	း ဇာတ်ရံ လူမုန်း ချစ်ဖို့ကောင်းတာတော့သိတယ်
ဘဝဆိုတာ	း အစမသိခဲ့... အဆုံးမသိတော့
တယ်လီဖုန်းဆိုတာ	း ပိတ်ထားဖို့
အင်တာနက်ဆိုတာ	း ကူးစက်လွယ်ကုရခက်ရောဂါတမျိုး
ကွန်ပျူတာဆိုတာ	း ဝယ်ရင်အရင်းကြီးသလောက် ရောင်းရင်ရှုံးတဲ့ ကုန်
မင်းအပေါ်ကိုယ့်ရဲ့အမြင်
မင်းရဲ့စတိုင်လ်	း အင်းးးးးးးးးး ခက်သားလား အမရယ်
ဥာဏ်ပညာ	း အင်းးးးးးးးးး အီးကရူလား အိုင်ကရူလား ဘာမေးလဲ စဉ်းစားနေဆဲ
အကျင့်	း စာမှာတွေ့ရသလောက် ကောင်းမွန်ကြောင်းထောက်ခံပါသည်။
စိတ်ဓာတ်	း စာမှာတွေ့ရသလောက် ကောင်းမွန်ကြောင်းထောက်ခံပါသည်။
ခြုံပြောရရင်	း မမ မိုးသည် စတိုင်ပျောက်၍ ဉာဏ်ရည်နှစ်မျိူးလုံး စဉ်းစားဆဲရှိကာ အကျင့်နှင့် စိတ်ဓါတ် မှာ ဖတ်မှတ်ရသမျှ ကောင်းမွန်ကြောင်းထောက်ခံပါသည်။
မင်းနဲ့ကိုယ့်ရဲ့ အမှတ်တရဖြစ်ရပ်	း ကွန်မန့်လေး စတွေ့တဲ့နေ့
ကိုယ့်ရဲ့လက်စွဲဆောင်ပုဒ်	း This, too, will pass.
မင်းအတွက်စကား	း လုပ်ချင်တာ၊ လုပ်သင့်တာ၊ လုပ်နေတာ သုံးခု အမြဲထပ်တူကျနိုင်ပါစေ။
ကိုယ်ရဲ့လက်မှတ်	း PV
ဒီစာရေးတဲ့နေ့	း စင်ကာပူ အမျိုးသားနေ့ (အမျိူးသမီးများမပါ)

မမ မိုးရေ...
ပျော်စရာလေးဖြစ်အောင်ရေးလိုက်ပါတယ်။ စိတ်ဆိုးစရာများ ပါသွားခဲ့ရင် မေးလ်ပို့လိုက်ပါနော်။